La sudaŭstraliaj esperantistoj produktis novan E-poŝtkarton. Ĝi montras mapon de Aŭstralio kun portretoj de niaj plej famaj E-verkistoj. Dorsflanke estas klarigo: Ses aŭstraliaj verkistoj en Esperanto kaj Six Australian writers in Esperanto.
Por viaj E-amikoj la poŝtkarto estos interesa surprizo, por neesperantistaj ricevontoj eble kaŭzo al pli serioza konsidero de nia lingvo. Ĝi sendeblas al eksterlando anstataŭ ordinaraj turismaj kartoj kaj eĉ kiel jarfina bondezirkarto. Kune kun libro(j) de iu(j) el la prezentitaj verkistoj ĝi estos neĉiutaga donaco.
Unu ekzemplero kostas $0.80. Ĉe mendoj de 25 – 99 ekzempleroj vi pagos po $0.60 kaj de 100 menditaj ekzempleroj la kosto de unuopaj kartoj iĝas $0.50. Al la prezo aldoniĝas la sendokostoj. Pri viaj mendoj bonvolu kontakti sinjorinon:
Audrey Felby
6 Dorset St.
SEMAPHORE PARK, SA- 5019
Tel.: 08 – 8242 1460
Rete: audrey100@iprimus.com.au
Ĉekojn pagigu al Esperanto en Sudaŭstralio.